Стручен работник за поддршка на згрижувачки семејства – Струмица и Кавадарци

Секое дете расте во семејство, опкружено со љубов, почитување и чувство на сигурност.

     Ние создаваме семејства за децата во ризик, им помагаме да ја изградат својата иднина и придонесуваме за развојот на заедниците.

СОС Детско село Северна Македонија го проширува својот тим во нови канцеларии во

Струмица (2 позиции) и

        Кавадарци (2 позиции)

      Имаме потреба од социјални работници или психолози, педагози и специјални едукатори/рехабилитатори кои ќе работат како поддршка на згрижувачките семејства.

Клучни одговорности: 

• Стручните работници ќе учествуваат во проценка на кандидатите за згрижувачко семејство и ќе спроведуваат советувања согласно проценети потреби;
• Ќе вршат редовен увид на спроведување на стандардите за задоволување на потребите на корисникот во згрижувачко семејство;  
• Ќе одржуваат редовна комуникација со згрижувачките семејства и ќе ја координираат мрежата за поддршка за згрижувачките семејства;  
• Ќе одржуваат редовна комуникација со Центрите за социјална работа за потребите на згрижувачките семејства, старателот и водителот на случај за сместен корисник;
• Ја водат имплементацијата на Политиката за обезбедување безбедност на деца и млади.  

Што е потребно? 

• Високо образование: социјален работник, психолог, педагог, специјален едукатор/рехабилитатор); 
• Работно искуство во областа на заштита на деца (социјална заштита) ќе се смета за предност;  
• Познавање на законска регулатива за социјална заштита и семејство;  
• Познавања на детските права; 
• Активно познавање на работа на компјутер;
• Возачка дозвола Б категорија (активен возач);
• Добри комуникациски и организациски вештини;
• Проактивен пристап кон работата, прецизност, аналитичност;
• Способност за самостојна и тимска работа.

Услови за работа:  

• Работа на неопределено време (прв договор во траење од 1 година, со можност за продолжување)
• Континуирани можности за професионален и личен развој (обуки за професионален развој, тим билдинг)
• Можност за работа од дома (1 ден во неделата)

Ве молиме испратете професионална биографија најдоцна до 09.09.2024 година.

Доколку сте подготвени да направите разлика во животот на децата и да придонесете за безбедна и негувачка средина, ве покануваме да се придружите на нашиот посветен тим. Заедно, да изградиме иднина каде секое дете ќе биде заштитено и ќе може да напредува. 

Аплицирајте за да бидете витален дел од СОС Детските села и да помогнете во обликувањето на посветла иднина за децата и младите!